A Selección Galega Xuvenil de 1ª acada o Subcampeonato de Comunidades logrando o ascenso á División de Honra.

Guardamar del Segura (Alicante), acolleu esta fin de semana o Campionato de España de Comunidades, con máis de 300 deportistas pertencentes a 17 seleccións territoriais, das categorías xuvenil, feminina e masculina.

Os nosos representantes xuvenís, Asier Castro, Fidel Castro, Xoan Balboa, Nicolás Villamor e Ismael Vila, acadaron o segundo posto en Primeira, o que lles garante o ascenso á Divisón de Honra. Sentímos unha gran ledicia e orgullo por esta selección, que da mán do Técnico José Ramón López Carrera, son inspiración para tódalas categorías. Noraboa¡

O equipo da División de Honra Feminino, formado por Ana Belén García, María Jesús de la Torre, Patricia Rúa, Uxía López e Tania Izaskun Simoes como Técnica, obtivo un meritorio 7º posto no Torneo.

E na División de Honra Masculino, acadaron o 8º posto o equipo de Xosé Lois Simoes como Técnico, formado por Aaron Vila, Iván Cameselle, Iván Moledo e Rafael García.

Os gañadores en Primeira, foron a selección andaluza en xuvenís, a vasca na feminina e a aragonesa na masculina.

En División de Honor, acadaron o triunfo a selección xuvenil de Valencia, e tanto en féminas coma na selección masculina, os equipos catalanes alzáronse coa primeira praza do Campionato de España.