I Mestrado de Petanca de Negreira
Rematou o I Mestrado de Petanca de Negreira, un curso de formación para deportistas do noso deporte, no que máis de 50 persoas compartiron convivencia do día 3 ao 6 de febreiro na Vila de Negreira, organizado polo C.P Negreira e patrocinado polo Concello de Negreira e A Túa Xanela.
O curso contou coa participación como Mestres de Dylan Rocher, Stéphane Robineau e Jean Casale, todos membros do club FIP de Francia, con unha gran e recoñecida traxectoria no mundo da petanca, que impartiron clases maxistrais os días 4 e 5 de febreiro. Con todo, o curso iniciouse xa o venres 3 por parte de Francisco Javier Cardeñas, subcampión do mundo de tripletas masculinas 2021 e subcampión do mundo de dupletas mixtas en 2022, o que estivo en contacto cercano cos matriculados no evento.
O mesmo venres ás 20h realizouse unha partida exhibición, que contou con numeroso público, entre a dupleta formada por Dylan Rocher e Jean Casale contra a de Stéphane Robienau e Cardeñas.
Tamén o evento contou co apoio incondicional do Concello de Negreira que recepcionou ao alumnado o sábado 4 nas instalacións do Concello.
O mestrado afondou na técnica básica e avanzada co traballo de exercicios técnicos de moi diversa índole, tanto de tiro, como de punto, como eleccións de estratexias no noso deporte, tivo unha gran acollida e satisfacción entre o alumnado participante que instaron á organización a repetir este tipo de evento para o vindeiro 2024.
Felicitamos á organización do evento, e por esta gran iniciativa que tanto enriquece aos nosos deportistas, non so aos galegos, senón tamén aos desprazados dende todas partes de España e Portugal.
