CG Dupletas Mixtas 2023
Esta fin de semana celebrouse nas pistas de O Caldeiro no municipio de A Guarda o Campeonato Galego de Dupletas Mixtas, cun gran éxito de participación. A organización e a acollida dos deportistas non puido ser mellor por parte do Club de Petanca O Caldeiro, que levou a bon término o seu gran traballo, e dende a FGP, agradecemos enormemente o seu esforzo.
O gañador do Campeonato, o equipo La Resistencia, formado por Ana Belén García e Gonzalo Balenzategui. Segundos, a dupleta do Club Cabral, Cristina Cameselle e Julio Villaverde, e en terceiro lugar o Carrasca A, con Isabel Martínez e Sergio Giráldez e Breogán con Isabel e Ramón. O Ensino P levouse a Consolación, coa dupleta formada por Patricia Rúa e Xosé Lois Simoes.
Destacamos na entrega de medallas, a presencia do Presidente do Club O Caldeiro Andrés Mirais e o seu Vicepresidente, Julio Alfonso Galiñanes, así como representantes da Corporación Municipal do Concello de A Guarda, o Concelleiro de Deportes, Celso Juan Rodríguez Fariñas, e o Concelleiro de Eventos Aser Estévez Cividanes.
