XVI Torneo Internacional Concello de Vigo Masculino 2023
No Campo de Fútbol Praias do Vao de Coruxo, tivo lugar esta fin de semana o XVI Torneo Internacional Concello de Vigo, organizado polo Club Ensino, e patrocinado polo Concello de Vigo, entre outros patrocinios privados. A presenza de máis de 100 dupletas e 217 deportistas na categoría masculina procedentes de toda a península fixo do torneo un éxito de participación.
Na clasificación final, resultou vencedor a dupleta balear, Raúl Martínez-Pep Porcel, seguidos de Daniel Parada-Pedro Díaz, deportistas de Aragón e Cataluña respectivamente, e en terceiro posto, e dende Madrid, Samuel Rodríguez-Fernando Soage.
A dupleta da Federación Balear, formada por Job Torremade e Tomás Cantallops fíxose coa cuarta praza. Os outros equipos invitados pola FGP, a Federación Cántabra, obtivo o posto 20, a Federación Castellano-Leonesa quedouse no posto 49, e a Asturiana no 93.
Destacar o quinto lugar dos xóvenes deportistas de Portugal, dupleta formada por Bruno Soares e Paulo Bessa que veñen facendo unha excelente tempada 2023.
Na categoría de Consolación, a final xugouse entre a dupleta galega formada por Iván Moledo-Xosé Lois Simoes e Antonio F.Corona-Manuel Diego, coa victoria da primeira delas.
Dende a FGP, agradecemos a participación, o traballo do Club Ensino na organización, así como a axuda dos patrocinadores.
| Nom | Mida | Data |
|---|---|---|
| Veure Memoria Open Internacional Concello de Vigo Categoría masculina.pdf | 6,52 MB | 24/07/2023 |
