Campeonato España Individual Vélez Rubio Almería 2024
Na localidade de Vélez Rubio en Almería, disputouse esta fin de semana o Campeonato de España Individual, previa para o Europeo-Mundial.
A campeona de España, a madrileña Marta de los Reyes, foi acompañada no caixón por Laura Llul das Baleares e das catalanas Carolina Jiménez e Judit Renau. As nosas representantes galegas, María Belén González e Emilia Costas acadaron un moi bo e loitado resultado, novena e vintedous respectivamente, e dende a FGP non podemos estar máis ledos e orgullosos destas deportistas.
No Campeonato Xuvenil, Hugo Fernández da catalana proclamouse Campeón de España, e o canario Jose A. Santana subcampeón, e no terceiro posto os catalanes Alex Pacheco e David Fernández. Pola nosa comunidade, magnífica competición fixeron os nosos xuvenís, Xoan Balboa que acadou o noveno posto, e Asier Castro no posto vintecinco. Noraboa polo seu esforzo e parabéns tamén ó técnico José Ramón López Carrera.
Na categoría masculina, o andaluz José J. Romero foi o vencedor, o valenciano Ramón Asensi foi segundo e Francisco J. Benzal da madrileña, xunto co murciano Rubén Osorio foron terceiros.
Os representantes galegos Iván Cameselle e David Soage acadaron unha clasificación nos postos 26 e 27 respectivamente.
